Размер шрифта: A A A
Цвет сайта: A A A A

Ijtimoiy soha rivojlantirilishi haqida

“O’zbekenergo” AJda ishchi va xizmatchilarni ijtimoiy hayotini yanada yaxshilash, rivojlantirish va farovonligini oshirishga katta e’tibor qaratilmoqda.

“O’zbekenergo” AJ tizimida 12 ta ijtimoiy-madaniy va sog‘lomlashtirish ob’ektlari mavjud bo‘lib, ulardan: 2 ta tibbiy-sanitariya qismi, 1 ta dam olish uyi, 2 ta dam olish zonasi, 1 ta sanatoriy, 4 ta bolalar sog‘lomlashtirish oromgohi, 2 ta sport majmuasi 2017 yilda faoliyatini olib bordi.

“O’zbekenergo” AJ tomonidan O’zbekiston Respublikasi Prezidentining 2017 yil 7 fevraldagi “O’zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF-4947-sonli farmoni ijro uchun qabul qilindi. Farmonda belgilangan vazifalarni amalga oshirish uchun “O’zbekenergo” AJda 2017 yilda Davlat dasturining ijtimoiy sohasini rivojlantirishning IV ta ustuvor yo‘nalishlari bo‘yicha amalga oshirish Dasturi” tasdiqlandi.

Ushbu dasturga binoan 2017 yilda jami sarf harajatlar 285948,2 mln.so‘m miqdorida bajarildi, jumladan:

"O’zbekenergo" AJ bo‘yicha 2017 yilda jami 720 ta yangi ish o‘rinlari yaratilishi rejalashtirilib, tizim buyicha 571 yangi ish o‘rinlari yaratildi.

Investitsiya dasturi doirasida 4 ta, sohani rivojlantirish orqali 549 ta, kasanachilik bo‘yicha 18 ta ish o‘rinlari yaratildi va 48002,31 mln.so‘m miqdorida mablag‘ sarflandi.

Turizmni rivojlantirish maqsadida energetika tizimida ishlab, nafaqaga chiqqan keksalarni, ishchi xodimlar va ularning farzandlarini yurtimizdagi tarixiy obidalarni ziyorat qilish va sayyohatlarni tashkil qilish uchun 54,0 mln.so‘m miqdorida mablag‘ sarflandi.

Dam olish uylarini, bolalar sog‘lomlashtirish oromgohlarini, tibbiy sanitariya qismlarini joriy ta’mirlash, moddiy-texnik bazasini mustahkamlash ishlarini amalga oshirish uchun – 731,45 mln.so‘m miqdorida mablag‘ sarflandi.

Energetika tizimi korxonalari ishchi-xodimlari va farzandlari sog‘lig‘ini tiklash, sog‘lomlashtirish va dam olishini tashkil etish, ularning bo‘sh vaqtlarini sermazmun o‘tkazish, barkamol avlodni voyaga yetkazish ishlariga jami 16000,0 mln.so‘m miqdorida mablag‘ sarflandi.

Bolalar sog‘lomlashtirish oromgohlarida jami 2848 ta bolalar sog‘lomlashtirildi va 977,8 mln.so‘m miqdorida mablag‘ sarflandi.

Shuningdek, Dasturda ko‘zda tutilgan yoshlarga oid davlat siyosati bandi bo‘yicha korxonalarda shaxmat, shashka, stol tennisi va boshqa sport turlari bo‘yicha musobaqalar o‘tkazilib, jami sarf harajatlar 18,0 mln.so‘mni tashkil etdi, soha yoshlari va soha xodimlari farzandlarining energetika tizimi sport majmualaridagi seksiyalarga bepul qatnashishlari tashkil kilindi.

“O’zbekenergo” AJ tizimidagi korxonalarda tashkil etilgan yordamchi ho‘jaliklarda 2017 yil davomida 667,8 tn sut, 157,1 tn sut mahsulotlari, 25,3 tn qoramol go‘shti, 3,5 tn qo‘y go‘shti, 14,4 tn tovuq go‘shti, 7,06 tn baliq yetishtirildi va sotildi. Jamiyat korxonalarining yordamchi xo‘jaliklarida boqilayotgan chorva mollarining umumiy soni 2155 boshni, shundan 1409 boshini qoramollar, 746 boshini qo‘y va echkilar tashkil etdi.

Bugungi kunda jamiyat bo‘yicha jami 10,25 gektar yerda issiqxonalar faoliyat ko‘rsatmoqda. Mavjud issiqxonalarda 2017 yilda 24,1 tn pomidor va 48,4 tn bodring va 3,66 tn limon mahsulotlari yetishtirilib, iste’molchilarga yetkazildi.

Jamiyatning 5 ta korxonasida asalarichilik tarmog‘i tashkil etilgan bo‘lib, ularda 340 ta asalari uyasi parvarishlanmoqda, 2017 yilda ulardan 2.94 tn asal mahsuloti yetishtirildi.
Belgilangan matnni tinglash uchun quyidagi tugmani bosing Powered by GSpeech