Размер шрифта: A A A
Цвет сайта: A A A A

“O’zbekenergo” AJning investitsiya faoliyati to‘g‘risida

2017 yilda “O’zbekenergo” AJ tomonidan O’zbekiston Respublikasi Prezidentining 2016 yil 23 dekabrdagi “O’zbekiston Respublikasining 2017 yildagi Investitsiya dasturi to‘g‘risida”gi PQ-2697-sonli qaroriga muvofiq muhim ob’ektlardagi ishlar davom ettirildi. Mavjud energetik ob’ektlarni rekonstruksiya qilish va yangilarini qurish bo‘yicha 17 ta yirik investitsion loyihalari amalga oshirildi.

Energetika sohasini keng ko‘lamda isloh qilish va jadal rivojlantirish maqsadida xalqaro moliya institutlari va xorijiy hamkorlar bilan faol ish olib borilmoqda, bu esa tarmoqqa ilg‘or chet el tajribasini va qo‘shimcha xorijiy investitsiyalarni jalb qilish, shuningdek zamonaviy yuqori texnologiyali uskunalarni joriy etish imkonini beradi.

Respublika iste’molchilariga barqaror elektr energiyasini yetkazib berishni ta’minlash, hamda energiya sarfini kamaytirish maqsadida 2017 yilda Toshkent issiqlik elektr stansiyasida quvvati 370 MVt bo‘lgan yangi bug‘-gaz qurilmasi ishga tushirildi.

Navoiy IESni quvvati 450 MVtga teng bo’lgan ikkinchi bug‘-gaz qurilmasini qurish bilan kengaytirish va har birini umumiy quvvati 230-280 MVtga teng ikkita BGQni qurish bilan Taxiatosh IESni kengaytirish, hamda Namangan viloyatidagi umumiy quvvati 450 MVt bo‘lgan yangi To‘raqo‘rg‘on IESni qurish loyihasi bo‘yicha ishlar jadallashtirilgan sur’atlarda davom etmoqda.

«Qandim gazni qayta ishlash zavodining tashqi elektr ta’minoti ob’ektini qurilishi» loyihasi bo’yicha uzunligi 89,4 kmga teng bo’lgan 220 kVli havo liniyalari ishga tushirildi.

O’zbekiston Respublikasi Prezidentining 2016 yil 10 oktyabrdagi PQ-2628-sonli qaroriga muvofiq Surxondaryo viloyati Sherobod tumanidagi sement zavodining tashqi elektr ta’minotini ta’minlash borasida, uzunligi 85,6 km 110 kV bo‘lgan “L - Surxon – 2-sement zavodi” havo liniyalari qurilishi tugallandi.

O’zbekiston Respublikasi Prezidentining 2015 yil 22 maydagi PQ-2349- sonli qaroriga binoan “O’zbekenergo” AJ tomonidan Surxondaryo viloyati Termez shahri elektr ta’minotini yaxshilash maqsadida uzunligi 0,6 km bo‘lgan 110 kV “Sulton-Saodat” podstansiyasi 110 kV XL bilan qurilishi ko’zda tutilgan. Ushbu 110 kV li podstansiyasi qurilib, quvvati 16,0 ming kVA kuchlanish ostiga olingan birinchi transformator o‘rnatildi.

O’zbekiston Respublikasi Prezidentining 2017 yil 11 martdagi bayonnomasiga muvofiq “O’zbekenergo” AJ tomonidan Buxoro viloyati Buxoro shahri elektr ta’minotini yaxshilash maqsadida uzunligi 28,0 km bo’lgan 110/35/10 kV “Afshona” podstansiyasi bilan 110 kVli XL qurilishi ko’zda tutilgan. 110 kV XL elektr tarmog‘i qurilib, quvvati 10,0 ming kVAli kuchlanish ostiga olingan transformator o‘rnatilgan.

Respublika temir yo‘llarining yagona tarmog‘ini yanada rivojlantirish bo‘yicha chora-tadbirlar doirasida sohaning o‘z mablag‘lari hisobidan Pop-Qo‘qon-Andijon va Navoiy-Konimex-Miskent temir yo‘l tarmoqlarining tashqi elektr ta’minoti qurilmalarini qurilishi davom etmoqda.

Bugungi kunda aholini ishonchli elektr energiyasi bilan ta’minlash va iqtisodiyotning barcha tarmoqlarini jadal rivojlantirish maqsadida, mamlakatning iqtisodiy manfaatlari, shuningdek energetika mustaqilligini ta’minlash zarurati, boshqa energiya manbalarining ulushini oshirish orqali yoqilg‘ini diversifikatsiyalash qilish muammosini hal qilishni talab qiladi.

O’zbekiston Respublikasi qayta tiklanadigan energiya manbalarining (shamol,quyosh) katta zahiralari mavjud bo‘lib, bu ularning yoqilg‘i-energetika balansiga qo‘shilishi maqsadga muvofiqligini belgilaydi.

Respublikaning turli mintaqalarida quyoshli kunlarning davomiyligi yiliga 2650 soatdan 3050 soatgacha o‘zgaradi. Quyosh nurlanishining yalpi salohiyati yiliga 525 mlrd. kV∙soatdan 760 mlrd. kVt∙soatgacha baholanadi.

O’zbekistonda shamol energetikasining Yevropa kompaniyalari tomonidan baholangan tahminiy salohiyati 520 ming MVtdan ortiq bo‘lib, yiliga 1,0 trillion kVt∙soatdan ortiq elektr energiyasini ishlab chiqarish bilan belgilangan quvvatni tashkil etadi.

Kelgusida 2021 yilga qadar Samarqand, Navoiy va Surxondaryo viloyatlarida 3 ta quyosh foto elektr stansiyalarini va Navoiy viloyatida umumiy jami quvvati 402 MVt bo‘lgan va yiliga 830 mln. kVt∙soat elektr energiyasini ishlab chiqaruvchi bitta shamol elektr stansiyasini ishga tushirish rejalashtirilmoqda.

Belgilangan matnni tinglash uchun quyidagi tugmani bosing Powered by GSpeech